هنا كل شيئ عن البلايستيشن2

--------------------------------------------------------------------------------

السلام عليكم ورحمه الله وبركاته
هنا كل شيئ عن البلايستيشن2
بسم الله الرحمن الرحيم





--------------------------------------------------------------------------------



هذا موضوع به كل شىء يحض البلايستيشن2



أتمنى أن تستفيدوا منه وذالك بعد نقلي له للفائدة العامة





يالله بسم الله







>كيف أحافظ على الجهاز؟؟<



1-أول شي اذا كنت مشتري البلايستيشن وفيه القطعة اللي تشغل الكوبي أنصحك انك لاتخليه واقف مهما كان

لأنه يأثر على المحرك عشان حاطين القطعة فوقه>>>> يعني مالقيوا الا فوقه؟؟



2-دائما خليه مرفوع عن الارض بقطعة بلاستيك او بطاولة خشب خالية من الغبار لانك

لو تلاحظ من الامام يوجد شبك يشفط الهواء عشان يبرد المحرك واذا كان فيه غبار بيشفطه ويخرب العدسة من جوه.



3-ابدا لاتحاول تتفلسف وتفك الجهاز سواء كان مشبوك او لا لانه لو كان مشبوك بتنصعق بالكهرباء ولو كان مو مشبوك مابتعرف تركبه وبتخرب اللي جوه.



4-اذا تبغى تشيل الغبار اللي جوه خذ طريقتي...

جيب مكنسة كهربائية وشغلها وأفصل السوني من الفيش واشفط الغبار اللي حول المروحة من الخلف...

وبعدين اشفط الغبار اللي على الشبك من الامام

وكمان اشفط الغبار اللي على منفذ USB من الامام<<<<لاتقولون ماتعرفونه



5-خذ قطعة من القماش وامسح السوني من الخارج ومن الخلف وافتح فتحة المودم من الخلف ونظفها<<<<تكون مغطية بغطاء مكتوب عليه Expansion Bay

فكه بحذر من فوق ونظفه بعدين غطيه..



هذي طريقتي في التنظيف لازم تسويها كل شهر تقريبا<<<<يويلك لو خربت اجهزتنا

===================================







>ماهي الطريقة السليمة في التشغيل والاغلاق؟؟<



اذا تبغى تشغله اول شي تشبكه في الفيش<<<ويختلف الاجهز اليابانية 220 فولت الاجهزة الامريكية110 فولت



بعدين تشغله من زر الامن في الخلف O/1



تلاحظ انه من الامام اشتغلت لمبة حمراء

اذا تبغى تدخل الشريط اظغط الزر اللي تحت اللمبة الحمراء

بتتحول اللمبة الى خضراء وتظهر لمبة في الاسفل زرقاء



يخرج بعدين حامل القرص من الجهاز



قم بوضع القرص بداخله ولاتضغط الزر الازرق

بل قم بضغط الزر الاخضر مباشرة



ثم استمتع باللعب.....



============================







>كيف اقدر أشغل أشرطة البلايستيشن 1 ؟؟؟<



هذه الطريقة اعتقد انها الصحيحة وكمان لازم يكون الشريط اصلي للبلايستيشن 1<<مو متأكد



تسوي نفس الطريقة اللي فوق حقت التشغيل ولكن عند وضع القرص قم بضغط الزر الاخضر مرتين متتاليتين مع التأكد من وجود يد بلايستيشن 1 <<مازال مو متأكد



================================







>عندي شريط مخدوش هل يؤثر على العدسة؟؟؟<



شوف انت لو شفت الخدوش كثيير على طول اقرب زبالة جنبك ارميه فيها



اما اذا كان خدش أو خدشين فمايأثر



=================================









>عندي شريط لونه ذهبي من الاسفل أو فضي هل يوجد أختلاف بينها؟؟؟<



انا عندي في جهازي جميع الاشرطة الفضية الديفيدي تشتغل تماما وماتصلب وبعض الاشرطة الذهبية تصلب لكن انا انصح بالذهبية الانها لو اشتغلت تكون سرييييعة

=================================









>هل تؤثر الاشرطة المنسوخة من من نوع CD على العدسة؟؟؟<



خذها نصيحة من عبودي لا تقرب ابدا من هذه الاشرطة حتى لوكان سعرها رخيص لانها تخرب العدسة على طوول ولو قاعدت شغاله اسبوع او اسبوعين

لانك لما تشغلها يطلع صور من العدسة واضح.

===========================









>ماهو المود شيب؟؟؟<



انا كنت زيكم ماادري ايش هذا احسبه كمبيوتر جديد<<<على نياته

هذه قطعة تشتريها او تجي أغلب الاحيان مع الجهاز تقوم بتشغيل الالعاب المنسوخة من نوع ديفيدي والافلام التجارية وتختلف من نوع لاخر.



================================







>ماهي أفضل قطعة في الاسواق؟؟<



انا تصدقون ماعرف القطعة اللي في جهازي بس أعتقد انها من أفضل القطع الموجودة

أفضل القطع هي

1-الميشا أو الماسية الاصدار الثاني

2-الماجيك3 <<قطعة مشهورة

3-الماجيك 4<<اصدار مطور من اللي فوق أعتقد هذي بجهازي



لاتشيل هم اذا فيه وحده من هذي القطع موجودة في جهازك



=====================================









>انا عندي قطعة اسمهاSBOX اشرايك فيها؟؟<



روح غيرها على طول واشتري غيرها هذي يومين وتخرب العدسة



============================







>كم سعر القطع هاذي؟؟؟<



انا ماقدر اجاوب على هذا السؤال لاني ماقد شريت قطعة لكن يقولون سعرها مايتجاوز300 ريال

=========================









>ماهي العاب الديفيدي الاصلي, الديفيدي المنسوخ ,والسيدي الرخيصة ؟؟



العاب الديفي دي الاصلي قيمتها 250 ريال عشان كذا انت تروح تركب القطع اللي تكلمت عنها فوق250 ريال وتشغل الديفي المنسوخة(الكوبي)سعرها20-15 ريال



اما السيدي الرخيصة فلا تشتريها ابدا..

====================================









>كيف أقدر أشغل أفلام dvd على البلايستيشن2؟؟<



اول شي تشغل الجهاز وتطلع حامل الاقراص بعدين تحط الفلم وتضغط الز الاخضر وتستمر بالضغط يعني لاتشيل يدك الين مايشتغل الفلم

==================================











>بأيش تنصح بالاجهزة الامريكية او باليابانية أو الصينية؟؟<



شوف هو مافي فرق بين الامريكية واليابانية بمجرد وضع اي قطعة من القطع الثلاث ورح تشغل الالعاب عليه على طول اما الصيني اللي نزل الحين فهو يقولون انه تقليد فيه قطعة من القطع الثلاث وهي أصلية ولكن العدسة مقلدة مو اصلية<<<شغل نصب



وفيه ناس يقولون هذه اشاعة لان معامل شركة سوني انتقلت الى الصين-بكين

عشان كذا تلاقي مكتوب MADE IN CHINA من وراء<<<وهذا الكلام صحيح90%

================================









>يقولون فيه قرص ينظف العدسة هل هذا صحيح؟؟<



انا ماقد جربت هذا القرص لكن انصحك انك توديه عند مكان مضمون وتخليه ينظفه لك بسعر30 ريال فقط وذا زود السعر فهذا نصاب كبير

================================











>بكم سعر البلايستيشن2 الان في االاسواق؟؟<



حسب علمي الان سعره تقريبا 750 ريال يجي معاه يد أًصلية والجهاز فقط ولكن الجهاز صيني

لانه محا تلاقي الان أجهزة يابانية في الاسواق.

انا لعبت عند واحد من اصحابي مشتري زي هذا الجهاز يقول الجهاز ماعليه ويشغل العاب ديفيدي كوبي ولايصلب

=========================









>هل لسوني 2 ملحقات؟؟<



ايوه له ملحقات مثل كاشفة الاسرار ((جيم شارك))



وكمان له كاميرا استشعار تتحرك امامها فيتحرك اللاعب اللي في االشاشة<<<بحط لها موضوع خاص ان شاء الله



وله مودم تشبكه من ورا سعره 150 ريال للاجهزة الامريكية أو اليابانية للتشغيل بواسطة الاشتراك الرقمي.



و400 ريال للاجهزة اليابانية للتشغيل بواسطة الاشتراك العادي بس يجي معاه كيبورد وماوس



وتشتري له العاب تدعم اللعب بالانترنت وتلعب مع زملائك

===========================================









>يعني أقدر أدخل الانترنت بمجرد شبك سلك الهاتف؟؟؟<



بامكانك تشبكه بالاشتراك العادي dial up وتتصفح مواقع وتلعب بس لازم يكون المودم ابو 400 ريال



وكمان بالاشتراك الرقمي تقدر تشتري مودم اللي سعره 150 ريال وتشغله على الياباني عادي

بس لازم يكون الاشتراك رقمي DSL

====================================









>فيه 3فتحات امام البلايستيشن2 2كبيرة وواحدة صغيرة ايش هي؟؟<



هذه فتحات ال USB فيه مثلها وراء اجهزة الكمبيوتر



وتستخدم في وصل ملحقات البلايستيشن 2 مثل الماوس والكيبورد

وكاميرا الاستشعار.....

==========================================









>لاحظت من خلف الجهاز وجود غطاء مكتوب عليه Expansion Bay ما فائدته؟؟<



هذا شان تحط فيه المودم الخاص بالبلايستيشن 2

========================================











>اعطيني سبب واحد عشان اشتري البلايستيشن 2<؟؟؟؟



اعطيك مو سبب واحد اسباب...



1-أكبر شركة ألكترونيات في العالم.



2-بعد نجاح البلايستيشن 1 الجهاز الساحق اخرجت البلايستيشن 2 الجهاز الخارق.



3-أكثر شركات الالعاب تطور الالعاب له فقط .



4-يوجد أكثر من 10000 الالاف لعبة في الاسواق.



5-يوجد له مودم لللعب بالانترنت.



6-بحلول عام2004 سوف تصدر سوني اول لعبة عربية.



7-قدرة الجهاز الفائقة.



ووووووووو

<<<<<<هاذي يبغالها موضوع لحالها

=================================







>هل تشتغل عليه اجهزة تحكم البلايستيشن 1 ؟؟<



نعم.ولكن بعض الالعاب تلزمك بوضع اليد الاصلية للعب.

=======================================









>كم سعر كرت التخزين Memory Card ؟؟؟<



انا اشتريته قبل 5 شهور بـ100 ريال الحين نزل سعره الى 70-60 ريال سعودي

اتكلم عن الاصلي

====================================









>بكم سعر كاميرا البلايستيشن 2 للمحاكاة؟؟<



تقريــبا 230 سعودي مع شريط يحتوي على لعبتين مجاني.

======================================









>هل سوف يرتبط به الجيم بوي ادفانس على غرار الجيم كيوب؟؟<



أكيد مافهمتوا السؤال لانه جهاز الجيم كيوب يمكن ربط الجيم بوي ادفانس به واستخدامه كيد

تحكم حساسة....<<<<يعني تميل الجيم بوي تميل معاك الكورة مثلا في الشاشة.

سوني أكدت ان

جهازها البلايستيشن 1 المحمول (بينزل عام2004)يمكن أن رتبط بالبلايستيشن2

واستخدامه كيد تحكم منفصله وفي تخزين الالعاب ايضا !<<<كلام أكيد مو اشاعة

===============================================







>هل سوف تؤثر سرعة الاتصال بالانترنت على اللعب الجماعي بواسطة المودم؟؟<



لا ولكن التأخير يكون في تسجيل الدخول الى الشبكة فقط.

=========================================







>يقولون فيه العاب عربية هذا الكلام صحيح؟؟<



هذا الكلام صحيح وخطأ في نفس الوقت لانه يوجد العاب ولكنها ليست من انتاج عربي لكنها معربة وهي محدودة جدا(اشرطة الكورة بس::9:.

==========================================







>ماذا عن مشروع سوني لانتاج العاب عربية معربة بالكامل؟؟<



هذا كلام صحيح وفقا لما نشر في وسائل الاعلام.



=============================================









>ماهي أفضل الالعاب على البلايستيشن 2؟؟<



هذه قائمة بالالعاب اللي انا مجربها بنفسي وانصح كل واحد يشتريها ...



1-في ار بي جي(العاب تعتمد على القصة )

فاينل فانتسي بجميع اجزائها



2-في الرعب:

فاتل فريم ---كلوك تاور 3 ----سايلنت هيل2



3-في السباقات:

نيد فور سبيد---جران تريزمو3



4-في المطاردات:

جراند ثيف اوتو(فايس سيتي)



5-في البلات فورم(مغامرات)

كراش---جاك اند دكستر



6-في القتال:

سول كاليبر2 -----فايتشوا فايتر4





7-في الحروب:

داينستي واريورز4





8-في التجسس:

ميتل جير سوليد2-----سبلينتر سيل



والقائمة لاتنتهي..........

======================================







>ماهي قدرة معالج البلايستيشن 2؟؟<



معالج من نوع اموشن شب بسرعة300 MHz

اكيد بتقول ايش هذه السرعة القليلة ؟؟



لا مو سرعة قليلة هذا المعالج بمساعدة معالج اخر لتصميم نسيت كم اطار يرسم في الثانية

يجعله يصمم عوالم خيالية وخير دليل لعبة فاينل فانتسي.

==============================================







>هل البلايستيشن أفضل من XBOX و الجيم كيوب؟؟<



كل واحد له مميزاته وعيوبه

========================================







>ماهو أبرز عيب في البلايستيشن2 برأيك؟؟<



انا اعتقد انه اذا واحد ماحافظ عليه يخرب بسررررررررعة